Аявхан Кымбат Айыпхановна
Аявхан Қымбат – «Энергетика, автоматтандыру және есептеу техникасы» кафедрасының оқытушысы.
Қымбат Аявхан 2003-2008 жж. аралығында академик Е.А.Бөкетов атындағы Қарағанды Мемлекеттік университетінде «Жылу физикасы» мамандығы бойынша білім алды.
2008 ж. оқуды сәтті аяқтап, Қарағанды Мемлекеттік индустриялық университеті жанындағы Гуманитарлы-техникалық колледжіне оқытушы-тәжірибеші қызметіне қабылданды.
2012-2015 жж. аралығында Ақмола облысы Есіл ауданының Қаракөл ауылында физика пәнінің мұғалімі болып жұмыс істеді.
2016 ж. бастап Қарағанды Мемлекеттік индустриялық университетінің «ЭАжЕТ» кафедрасында оқытушы болып қызмет етеді. Қазіргі уақытта «Автоматтандыру және басқару» мамандығы бойынша магистратурада оқып жүр. Ғылыми-педагогикалық өтілі – 8 жыл.
Қ.Аявхан «Серпін – 2050» бағдарламасы бойынша қабылданған ЭЭ-15қ – 1,2 топтарының жетекшісі және пәндерді мемлекеттік тілде жүргізеді.
Қ.Аявхан әр түрлі деңгейдегі ғылыми-техникалық конференцияларға қатысып, республикалық және халықаралық журналдарға ғылыми мақалалаларын жариялап тұрады.
2012 ж. Қ.Аявхан физика пәні бойынша мектеп және колледж оқушылары арасында пән олимпиадасын ұйымдастырғаны үшін басшылық тарапынан алғыс хатпен марапатталған.
Қызмет барысында Қ.Аявхан пәндердің оқу-әдістемелік кешендерін, дәрістер жиынтығы, курс бойынша, практикалық және лабораториялық, курстық жұмыстарға әдістемелік нұсқаулықтар жасады. Осы жылы т.ғ.к., доцент Г.А. Сивяковамен бірге мемлекеттік тілде «ISBN» грифімен оқу құралын шығарады.
Қ.Аявхан практикалық, лабораториялық сабақтарды жүргізеді. Курстық жобалар мен студенттердің өндірістік тәжірибелеріне жетекшілік етеді.
Байланыс: kama85-06@mail.ru