Халықаралық ынтымақтастық – республиканың жетекші жоғары оқу орындарының бірі ретінде Қарағанды индустриалды университеті қызметінің ажырамас бөлігі және әлемдік стандарттарға сәйкес білім сапасын қамтамасыз етудің маңызды құралы. Мақсат – университетіміздің Қазақстан Республикасының жоғары білім беру жүйесіндегі мәртебесін көтеру және әлемдік білім беру мен ғылыми қоғамдастыққа одан әрі интеграциялану.

ТМД елдерінің, Еуропаның, Азияның және АҚШ-тың жетекші университеттерімен академиялық жұмыс жүргізу үшін тұрақты байланыс орнатылды. ҚарИУ серіктестері – АҚШ, Испания, Италия, Германия, Венгрия, Чехия, Польша, Франция, Болгария, Қытай, Ресей, Украина, Беларуссия, Өзбекстан, Тәжікстан, Қырғызстан және т.б. білім беру және зерттеу орталықтары.