Қазақстан Республикасының Тұңғыш Президенті күніне орай ҚМИУ-дың

І курс студенттер арасында ұйымдастырылған «Теміртауда тоғысқан тағдырлар» атты ашық тәрбие сағаты оттi.

Қазақстан Республикасының Тұңғыш Президенті күніне орай 2015 жылы қарашаның 27-нде Қарағанды мемлекеттік индустриялық университетінде «Серпін-2050» бағдарламасы бойынша оқып жатқан І курс студенттері қаланың ардагер металлургтерімен, еңбек ардагерлерімен, аталмыш университеттің қабырғасында көп жылдар бойы ұстаздық еткен оқытушылармен «Теміртауда тоғысқан тағдырлар» атты ашық тәрбие сағатының аясында кездесті. Кездесуге Баймурзаев І, Серкебаев С., Байғабатов Т., Ордабаев Б. тәрізді қаламыздың, металлургиялық зауыттың, университетіміздің өркендеп-өсуіне өз үлесін қосқан ардагер ерлі-зайыптылар және университеттің 8 мамандық бойынша білім алып жүрген І курс студенттері мен топ кураторлары қатысты. Аталмыш іс-шараны «Құрыш қала» газетінің бас редакторы, ақын Руза Алдашева жүргізді.

Алғашқы сөз Баймурзаевтар әулетіне беріліп, олар өздерінің еңбек жолдары мен жастық шақтағы махаббат хикаяларымен бөлісті. Одан кейін сөз алған Серікбаевтар отбасы да өздерін таныстыра келіп, өмірде Ишмухамедов сынды жақсы адамдардың шапағатын көргені олардың өмірлік жолына сәулесін түсіргенін баяндай келіп, жастарды қолынан келгенше басқаға жақсылық жасауға шақырды. Ардагер ұстаз Байғабатов Т.С. зауытта 20-дай жыл еңбек етіп, одан кейінгі ғұмырын оқытушылыққа арнап, бүгінгі күнге дейін ұстаздықтан жалықпандығы студенттердің көңіліне ұялады. Ал енді жастайынан жетімдік, өгей шешенің қысымын көрсе де, қиындыққа мойымай, Теміртауға табан тіреп, бақытын да осы жерден тауып, талмай еңбек еткен 70-тен асса да асылдықтың үлгісін ширақ қимылымен,  өнерімен  паш еткен Ордабаев Б. ақсақалды студенттер зор құрметпен қабыл алды.

Ақсақалдар студенттерге Елбасымыз Н.Ә.Назарбаев еңбек жолын осы қаладан бастағаны, яғни біздің қаламызбен тағдырластығы барлығымыз үшін үлкен мәртебе дей келіп, ұлттық кадрымызды қолдау үшін сіздерге  осындай жақсы жағдай жасап отырғаны – Президентіміздің көреген саясаттарының бірі, сондықтан қиыншылықтан қашпай,  мақсат қойыңдар, сол мақсатқа жету үшін қажымай-талмай оқып, еңбек етіңдер деген аталық тілектерін айтты, сондай-ақ жуырда болатын Елбасының Жолдауын мұқият тыңдап, оны жүзеге асыруға   ат салысуға шақырды және Елбасыға арналған өлең шумақтарын оқыды.

Өз кезегінде С-15к тобының студенттері Балқыбеков А., Тастемір Т., ЭЭ-15к-2 тобының студенті Пернебай Д., ТМО-15к-2 тобының студенті Түлкібаев Б., МТНМ-15к тобының студенттері Ақжігіт Д., Әуехзан Г. сынды студенттері ардагерлерге ән мен жырдан шашу шашып, гүл шоқтарын ұсынды.

Тәрбие сағатын қорытындылаған Қазақстан тарихы және жалпы білім беретін пәндер кафедрасының меңгерушісі Хамитов С.Б. және аталған кафедраның доценті Абдикарим Н.А. мұндай іс-шаралар жастардың тұлға ретінде қалыптасуына, ардагерлердің жүріп өткен жолынан жақсы ғибрат алуына және оларды отансүйгіштікке тәрбиелеу, Елбасымыздың саясатын жүзеге асыруға тигізер пайдасы мол екендігіне тоқтала отырып, барлық қатысушыларға алғысын жеткізді.

Өткізілген іс-шараны насихаттау үшін қалалық «Сфера» телеарнасына С-15к-1 тобының студенті Балқыбеков Алихан және ЭЭ-15к-1 тобының студенті Тәшкенбаев Азамат сұхбат берді; сондай-ақ «Құрыш қала-kz» газетінің журналистері арнайы келді.