Екі елдің өңіраралық өзара іс-қимыл XIV форумы аясында 8 желтоқсан күні Челябинскте өткен жоғары оқу орындарының ректорлары форумында Ресей мен Қазақстанның үш жүзден астам өкілдері кездесті. Жүздесу барысында білім беру бастамалары, университеттер арасындағы жаңа байланыстар орнату жəне ынтымақтастық туралы келісімге қол қою, білім беру мен ғылым салаларын дамытуға бағытталған негізгі тақырыптарды талқылау болды.

Еуразияның ірі жоғары оқу орнының бірінде – Оңтүстік-Орал мемлекеттік университетінде (ОңтОрМУ) өткен форумға ресейлік жоғары оқу орнынан 77 және қазақстандық ЖОО 49 ректорлар қатысты. Дәл ОңтОрМУ таңдалуы кездейсоқ емес, себебі онда шамамен үш жарым мың қазақ студенттері білім алуда,  15 қазақстандық профессорлар мен доценттер дәрістер оқиды, 45 қазақстандық жас ғалымдар ғылыми зерттеулер жүргізеді.

РФ білім және ғылым Министрі Ольга Васильева өз сөзінде адами капиталды қалыптастыруда негізгі рөлді жоғары білім атқаратынын атай отырып, ол қазіргі талаптарға сай болу керектігін көрсетті. «Мұндай кездесудің мағынасы өте ұлы. Біздің форумның ауқымы ұлтаралық байланысты дамыту мен ынтымақтастықтың жаңа нысандарын іздестіруде қызығушылықтары жоғары деңгейде екенін куәландырады», – деді ол іс-шаралар қатысушыларына арнаған сөзінде.

Қазақстан Республикасы білім және ғылым Министр Ерлан Сағадиев, форумда  сөйлеген сөзінде іргелі ғылым  дамыту саласында университеттер арасындағы неғұрлым өзара тығыз  қарым-қатынаста ғылыми кадрлар дайындауға,  кәсіптік білім беруді жетілдіруге шақырды және жаһандық бәсекелестік күресте кім озық адами капиталға ие болса, сол жеңімпаз атанатындығын атап көрсетті.

Қазақстан Республикасын таныстырғандардың бірі Қарағанды мемлекеттік индустриялық университетінің ректоры, техника ғылымдарының докторы, профессор Жаутиков Бахыт болды.

– Форум бағдарламасы сессиялар мен пленарлық отырыс жұмыстарын қамтитын екі топтамадан тұрды. Біз әріптестерімізбен жоғары оқу орындарының инновациялық қызметті ынталандыру және дамыту мәселелерін, адам капиталының бәсекеге қабілеттілігін арттыруды,  сондай-ақ Ресей мен Қазақстан университеттерінің стратегиялық әріптестік тақырыбын талқыладық, – деді Бахыт Ахатұлы. – Мұның барлығы, ынтымақтастықты жеделдететініне және оның сапасын күшейтетіне мен сенімдімін. Форумда біздің жоғары оқу орны Носов атындағы ММТУ, сондай-ақ Оңтүстік-Орал, Тюмень және Челябинск мемлекеттік университеттерімен меморандумға қол қойды.

Барлық жасалған меморандумдар, бірлескен ғылыми зерттеулер жүргізу мәселелері бойынша білім мен ғылымды интеграциялауды тереңдету мен кеңейтуге және Қазақстан Республикасы мен Ресей Федерациясының басым бағыттар бойынша әзірлемелерге бағытталған. Сонымен қатар, меморандумдар арқылы ғылыми-техникалық өнімді практикалық іске асыру, ғылыми, ғылыми-педагогикалық, инженерлік-техникалық кадрлар біліктілігін даярлау және арттыру жүргізіледі. Ғылыми-зерттеу, ғылыми-өндірістік және басқа да көптеген құрылымдар дамиды.

Форумның қорытындысы бойынша Қазақстан мен Ресейдің жоғары оқу орындары білім беру және ғылым саласындағы ынтымақтастықты дамытуға бағытталған, барлығы 40 екіжақты келісімдер жасасты. Университеттердің зертханалық-техникалық базасын пайдалану және ортақ жобаларды іске асыру, студенттерді дайындау бойынша бірлескен жұмыс жоспарланған.

ҚМИУ баспасөз-қызметі